Shumë mund ta mbani në mend mbesën e legjendës së humorit, Qumilit, që dikur na bënte të qeshnim me rolet e saj në skeçet e tij, pa harruar pjesëmarrjen në filmin “E vërteta në plazh” me Daim Lalën.
Pas një mungese të gjatë publike, Granita është rikthyer, por këtë herë jo për art.
Ajo u rishfaq në protestën për Daorsën, duke dhënë një interviste për gazetën Demos.
Me një ton të ashpër, aktorja bëri thirrje për rikthimin e dënimit me vdekje, pasi sipas saj, burgimi i përjetshëm nuk po i ndal kriminelët.
Por, përtej kauzës për Daorsën, Granita tronditi kur rrëfeu se edhe vetë ishte viktimë e dhunës para një viti, duke përmendur me emër personin që e dhunoi, i cili tashmë është dënuar nga gjykata.
E vëmendja e publikut u zhvendos shpejt nga mesazhi i saj i fortë, tek pamja e jashtme. Rrjeti shpërtheu në komente bullizuese.
Shumë ndjekës aluduan se ajo “nuk duket mirë”, duke shpifur për përdorim substancash e madje duke trilluar histori tragjike për familjen e saj.
Kjo bëri që Granita të mos përmbahet. Ajo reagoi ashpër ndaj komentuesve, duke mohuar kategorikisht çdo thashethem për abzuim me substanca.
Me një fjalor të drejtpërdrejtë, ajo sqaroi se pamja ishte pasojë e grimit të bërë vetë dhe kohës me shi, ndërsa për ata që shpifën, ajo pati një mesazh të qartë: “Hidhjani pasqyrën vetes!”.
Një rikthim i vogël dhe mes tjerash shumë nostalgji mes ndjekësve.
A mendoni që Granita duhet të rikthehet me projekte të reja?
