Një e mbijetuar e kancerit të gjirit e ka gjetur veten në një situatë të sikletshme kur doli në takim me një burrë dhe harroi t’i tregonte se ka bërë një operacion për t’i hequr thithkat e saj.
Dani Tropsa e kishte të vështirë t’i tregonte çdo burri që dilte me të, se nuk ka thithka.
Megjithatë, 37-vjeçarja nga Nju Jorku, ka vendosur që tani e tutje të jetë e hapur për shkak të një “shoku’ të takimit të kohëve të fundit kur ajo hoqi bluzën.
Ajo tha: “Nuk tregoja se isha një e mbijetuar nga kanceri i gjirit dhe se kisha humbur pak gjinjtë dhe thithkat. Një burri që dola me të, unë bëra një shaka. I thash se duhej të shkoja të merrja thithkat e mia – ato duhet të kenë rënë diku në restorant. Kjo na bëri të dyve të qeshnim dhe më pas u qetësova për t’ia treguar historinë”.
Në nëntor të vitit 2017, Dani u diagnostikua me kancer gjiri dhe iu nënshtrua raundeve të kimioterapisë. Edhe pse fillimisht ajo duhej të bënte vetëm një operacion për të hequr njërën thithkë pasi tumori ishte shumë afër për ta shpëtuar atë, ajo vendosi të hiqte edhe tjetrën (në anën jo kanceroze) në mënyrë që të ndjehej më simetrike.
Trajtimi dhe rikuperimi i Danit zgjati gjithsej rreth 18 muaj, por pasi u shërua nga kanceri, ajo u përpoq ta rikthente pamjen e trupit të saj. Edhe kur besimi i saj u kthye dhe filloi përsëri të takohej me burra, ajo përsëri e kishte të vështirë të hapej me njerëzit për gjoksin e saj.
Humbja e gjoksit dhe thithkave mund të duket si një gjë e parëndësishme, por është një ndryshim masiv i perspektivës, tha Dani.
“Më duhej të mësoja se si ta dua veten përsëri. Më duhej të mësoja se është mirë të ndieja gjithçka që ndjeja, por mbaja vendosmërinë time për t’u dashuruar sërish me trupin tim të ri, në mënyrë që të mund të dashurohesha përsëri me njerëzit e tjerë”, tha më tej ajo, transmeton Klankosova.tv.
