Mbrëmja në shtëpinë e Big Brother VIP Albania mori një kthesë të papritur kur Egli dhe Danja nisën të vallëzonin në oborr, nën tingujt e një muzike të lehtë. Atmosfera ishte e qetë, ndërsa disa nga banorët qëndronin ulur afër, duke i vëzhguar me buzëqeshje.
Megjithatë, Gjesti, i cili ishte pak më i distancuar, i shikonte me një vështrim të çuditshëm dhe të tensionuar. Në një moment, ai e theu heshtjen me një deklaratë të fortë, duke thënë: “Kam me ju shkatërru ren”. Pas kësaj, ai vazhdoi me një ton edhe më të ashpër: “Një nga një do t’ju paloj ren. Kam me ju dridh, kam me ju shkatërru, pasha Allahun. S’ka mëshirë hiç, zero, zero”.
Fjalët e tij ngritën menjëherë një valë reagimesh mes banorëve, të cilët mbetën të habitur nga mënyra e ashpër e të shprehurit.
