Britney Spears ka publikuar një video të Justin Timberlake dhe ka kërkuar ndjesë për gjithçka ka shkruar në librin me kujtime nga jeta e saj.
“Dua të kërkoj falje për ato që shkrova në libër. Nëse kam ofenduar ose lënduar njerëzit që kam shumë xhan, kërkoj ndjesë. Dua gjithashtu të them se jam e dashuruar me këngën e re të Justin, ‘Selfish’. Dhe nuk e di si ka mundësi që sa herë Jimmy dhe Justin bëhen bashkë, unë mekem së qeshuri”, shkruan ndër të tjera Britney.
Sa i përket librit të Britney, publikimi i tij na tregoi një anë të errët të historisë së vjetër të dashurisë mes këngëtares dhe Timberlake. Sipas kapitullit dedikuar kësaj historie, Spears ka pranuar se Justin e ka nxitur të abortojë kur ajo mbeti shtatzënë dhe më pas e bëri të duket si “vajza e keqe” që i theu zemrën djaloshit më të dashur në Amerikë.
Justin dhe Britney kanë qenë në qendër të vëmendjes mediatike edhe për këngën e sapopublikuar të artistit.
