Apple është afër një marrëveshjeje me OpenAI, krijuesin e ChatGPT për të përdorur veçoritë e inteligjencës artificiale në iPhone. Lajmin e bëri me dije Bloomberg duke cituar burime. Sipas raportit, të dy palët kanë finalizuar kushtet e një marrëveshjeje për të përdorur veçoritë e ChatGPT në sistemin e ardhshëm operativ të iPhone, iOS 18.
Apple ka pasur bisedime me Google për përdorimin e chatbot-it të kësaj kompanie, “Gemini”, por këto diskutime nuk kanë çuar një marrëveshje, edhe pse ende janë në vazhdim. Një marrëveshje me OpenAI do t’i mundësonte Apple të ofrojë ChatGPT-në si pjesë e një sërë veçorive të reja të AI që planifikon të zbulojë në qershor.
Bloomberg raportoi në prill se diskutimet me OpenAI ishin intensifikuar. Megjithatë, nuk ka asnjë garanci që kjo marrëveshje do të shpallet menjëherë. Vitin e kaluar, CEO i Apple, Tim Cook tha se ai personalisht përdor ChatGPT të OpenAI, por shtoi se ka “disa çështje që duhet të zgjidhen“.
Ai premtoi se veçoritë e reja të AI do t’i bashkangjiten produkteve të Apple, por me kujdes
