Të përjetosh një divorc është e vështirë.
Tani, imagjino ta përjetosh kur gjithë vëmendja e botës është tek ti! Kjo i ka ndodhur Sofia Vergara-s, e cila ka folur për herë të parë në “CBS Sunday Morning” për divorcin e saj të bujshëm nga ish-bashkëshorti, Joe Manganiello.
Ajo u shpreh se e priste që media të gëlonte nga lajmet për divorcin e saj. “Unë po eci përpara. Jam në sytë e publikut dhe njerëzit e dinë që kjo është pjesa e të qenit një person i famshëm. E dija që do të ndodhte. S’i fsheh dot këto gjëra”, duke shtuar se gjithsesi, media u tregua e saktë dhe e drejtpërdrejtë, çka e ndihmoi shumë që të tejkalonte periudhën e vështirë.
“(Lajmet e mediave) s’ishin keq. “Besoj, e keni parë, duhet të them se media ishte shumë e respektueshme dhe e sjellshme. Unë mendova se do shpiknin gjëra dhe e ke parasysh, siç ndodh zakonisht. Ishte surprizuese që ata e thanë siç ndodhi”, shtoi Sofia.
Vergara dhe Manganiello konfirmuan lajmin për divorc në korrik të 2023-shit, në një deklaratë për Page Six, duke theksuar se vendimi ishte i përbashkët dhe kishin vendosur t’i jepnin fund martesës së tyre.
“Ne kemi ndërmarrë vendimin e vështirë për t’u divorcuar. Si dy njerëz që e duan dhe kujdesen shumë për njëri-tjetrin, ju kërkojmë me mirësjellje që të respektoni privatësinë tonë, ndërsa kalojmë këtë fazë të re në jetën tonë”, u shpreh çifti në deklaratën e përbashkët.
