Një ngjarje e rëndë ka ndodhur në orët e para të mëngjesit të sotëm në Shqipëri, ku një makinë e tipit “Benz” ka rënë në anën e lumit Vjosa dhe për pasojë raportohet se kanë humbur jetën 8 persona.
Shtatë nga viktimat ishin emigrantë të Lindjes së Mesme, kurse shoferi nga Shkodra.
Mediat në Shqipëri kanë raportuar se shoferi nga Shkodra është Sokol Ismeti.
Pamjet e aksidentit të tmerrshëm tashmë janë publikuar.
Siç raportojnë mediat në Shqipëri, aksidenti ka ndodhur rreth orës 04:00, në aksin rrugor Këlcyrë-Përmet në afërsi të fshatit Kuqar.
Pasi mjeti humbi kontrollin dhe përfundoi në lumin Vjosë, 7 pasagjerë, që dyshohet se ishin emigrantë klandestinë, dhe shoferi kanë humbur jetën.
Në pamje shihet se makina është shkatërruar totalisht nga përplasja që ka rezultuar fatale për personat që udhëtonin në të.
