Jennifer Lopez së fundmi i dha fund martesës së saj, duke konfirmuar thashethemet për një ndarje me Ben Affleck.
Ata tashmë e kanë nxjerrë në shitje vilën e përbashkët më herët. Burimet tani pohojnë se Affleck inicioi blerjen e një pallati luksoz në një nga lagjet më prestigjioze të Los Anxhelosit. “Ben propozoi rezidencën dhe Jennifer bëri kompromis dhe ra dakord”, thanë burimet për People.
Ata gjithashtu shtuan pse Lopez ra dakord për blerjen e përbashkët. “Ajo ra dakord për shkak të hapësirës së madhe që mundëson akomodimin e të dy familjeve. Shtëpia ka palestër, zyrë, kënd lojërash dhe dy hyrje private”, tha burimi, duke theksuar se Jennifer kujdeset gjithmonë për mirëqenien e fëmijëve.
24 banja, apartament për mysafirë…
E nxorën në shitje në korrik për 68 milionë dollarë. Ata e blenë këtë pronë në maj 2023 për 60.8 milionë dollarë. Vetë shtëpia mbulon 3500 metra katrorë me 12 dhoma gjumi dhe 24 banja, sipas Realtor.com. Përveç kësaj, ka një apartament nën çati të veçantë 465 metra katrorë, shtëpi sigurie me dy dhoma gjumi, garazh me 12 makina dhe parkim për 80 vetura.
