Një nga shoqëritë më të dashura dhe më të përfolura të ekranit shqiptar duket se po kalon një krizë serioze.
Miqësia shumëvjeçare mes Einxhel Shkirës, Graciano Taganit, Fjoralba Ponarit dhe Argjira Spancës, e ndërtuar kryesisht gjatë bashkëpunimit të tyre në emisionin “E Diell”, duket se ka marrë një kthesë të papritur.
Shenjat e para të rritjes së tensioneve janë vërejtur në rrjetet sociale. Syrit të mprehtë të “Prive by Liberta Spahiu” nuk i ka shpëtuar fakti se Einxhel Shkira ka bërë ndryshime në llogarinë e saj në Instagram, duke hequr nga lista e ndjekësve Graciano Taganin, Fjoralba Ponarin dhe Argjira Spancën.
Ajo që e bën edhe më interesante këtë zhvillim është se ky veprim duket të jetë i njëanshëm, pasi tre moderatorët vazhdojnë ta ndjekin ende Einxhelin në rrjetet sociale. Ky detaj ka ngritur shumë pikëpyetje, sidomos duke pasur parasysh marrëdhënien e ngushtë dhe mbështetjen e ndërsjellë që katërshja kishte, edhe pas largimit të Einxhel Shkirës nga “E Diell” për t’u bërë pjesë e “Big Brother VIP”.
Ndërkohë, një tjetër element që bie në sy është fakti se Einxhel vazhdon të mbajë në listën e ndjekjeve moderatorin Flori Gjini, duke lënë të kuptohet se krisja ka ndodhur specifikisht me pjesën tjetër të grupit dhe jo me të gjithë ish-bashkëpunëtorët.
a
