Advertisements
Në Missouri të SHBA-së, temperaturat ekstreme të ditëve të fundit kanë shkaktuar një incident të pazakontë dhe të rrezikshëm: asfalti në një rrugë është çarë papritur, pikërisht përpara një veture në lëvizje.
Sipas mediave lokale, drejtuesi i automjetit, i cili ka shpëtuar pa lëndime, u shpreh ende i tronditur nga ajo që ndodhi.
“Nuk pata as kohë të reagoja,” tha ai.
“Thjesht pashë që rruga u hap përpara meje dhe nuk po kuptoja çfarë kishte ndodhur. Më pas kuptova se ishte çarje në asfalt.”
Autoritetet e transportit në Missouri kanë paralajmëruar për rreziqe të tilla për shkak të të nxehtit rekord, që ka shkaktuar deformime të rrugëve në disa pjesë të shtetit.
