Vetëm gjashtë ditë pas publikimit të këngës “Baby” në bashkëpunim me Sergion, këngëtarja Egli po dëshmon se vera e saj është në maksimum. Projekti ka shënuar sukses të menjëhershëm, por për artisten çdo arritje duket se është vetëm një hap drejt tjetrit.
Burime pranë saj bëjnë të ditur se Egli ka përfunduar tashmë xhirimet për një videoklip të ri, që pritet të publikohet përpara datës 15 korrik, në varësi të finalizimeve teknike. Kjo përkon me nisjen e sezonit të koncerteve verore, ku Egli pritet të jetë çdo natë në skenë.
Ndërkohë, po përflitet edhe për një bashkëpunim të shumëpritur me Lumi B dhe Getin, që mund të shndërrohet në një tjetër hit veror. Madje, mësohet se këngëtarja ka edhe një tjetër projekt me Lumi B, i cili për momentin është në pritje të publikimit.
