Një studim i ri tregon se konsumimi i tre filxhanëve kafe në ditë mund të ulë rrezikun e sulmeve në zemër dhe të sëmundjeve të tjera të lidhura me zemrën. Sipas studimit të publikuar në “The Sun”, ata që konsumonin kafe rregullisht kishin 12 për qind më pak shanse për të ndërruar jetë në moshë të re.
Rezultatet e studimit sugjerojnë se ata që konsumonin deri në tre filxhanë kafe në ditë kishin një zemër më të shëndetshme dhe një funksionim më të mirë të sistemit kardiovaskular. Po ashtu, u vu re se kafja mund të ngadalësojë procesin e plakjes.
Përfitimet e tjera përfshijnë mbrojtjen ndaj diabetit, sëmundjeve të mëlçisë dhe demencës, si dhe ndihmon në djegien e yndyrës në trup.
“Rezultatet tona sugjerojnë që konsumimi i rregullt i kafesë është i sigurt dhe 0.5 deri në tre filxhanë kafe në ditë ulin rrezikun e goditjes në tru, të vdekjes nga sëmundjet e zemrës dhe vdekjes nga një shkak tjetër,” shprehet studiuesi Judit Simon.
Studimi u realizua duke analizuar për 11 vjet të dhënat mjekësore të individëve në Mbretërinë e Bashkuar, të cilët kishin një moshë mesatare prej 56 vjeç. Ata zbuluan se ata që konsumonin kafe kishin 21 për qind më pak shanse për të pësuar një goditje në tru. Ata që konsumonin më shumë se tre filxhanë kafe në ditë, ose që nuk konsumonin fare kafe, nuk gëzonin të njëjtat përfitime.
