Një zjarr i madh shpërtheu në një rrokaqiell në Dubai, duke detyruar autoritetet të evakuojnë pothuajse 4000 banorë nga ndërtesa.
Flakët u përhapën papritur në një nga kullat më të larta rezidenciale të qytetit, duke shkaktuar panik ndër banorët dhe nxitur një alarmin të gjerë emergjence.
Pavarësisht intensitetit të zjarrit, falë reagimit të shpejtë të ekipeve të shpëtimit dhe zjarrfikësve, nuk është raportuar për viktima ose të lënduar.
Sipas autoriteteve lokale, zjarrfikësit e vunë nën kontroll zjarrin pas disa orësh përpjekjesh intensive. Aktualisht, janë duke u zhvilluar hetime për të zbuluar shkakun e shpërthimit të tij.
Banorët e evakuuar janë strehuar përkohësisht në ambiente të sigurta dhe janë informuar se po ndërmerren të gjitha masat për të mundësuar rikthimin e tyre të sigurt në banesat e tyre, sapo situata të stabilizohet plotësisht.
“Reagimi i shpejtë dhe profesional i ekipeve tona shpëtoi jetë dhe parandaloi një tragjedi të mundshme,” tha një zëdhënës i Shërbimit të Emergjencës në Dubai.
