Gjatë kohës kur temperaturat janë të larta është shumë lehtë që trupo juaj të dehidratohet.
Nxehtësia mund të shkaktojë probleme serioze dhe potencialisht fatale shëndetësore, siç është edhe ataku në zemër apo edhe sulmi në tru.
Por përveç këtyre, temperaturat e larta mund t’ua përkeqësojnë gjendjen personave që kanë probleme me veshka dhe mushkëri, shkruan BetterHealth.
I nxehti ekstrem mund të prekë këdo, por më të rrezikuar janë personat mbi moshën 65-vjeçare, foshnjat, fëmijët e vegjël, gratë shtatzëna si dhe njerëzit me probleme shëndetësore.
Këto probleme që lidhen me të nxehtit ekstrem mund t’i parandaloni fillimisht duke qëndruar të hidratuar e pastaj duke u mundur që të qëndroni në vende që janë më të freskëta.
Mbajeni lëkurën tuaj të lagur duke përdorur një shishe me ujë dhe duke spërkatur veten, ose edhe duke e bërë këtë me anë të një sfungjeri të lagur.
Për të qëndruar të freksët mund ta praktikoni edhe metodën duke laguar një peshqir me ujë të ftohtë dhe ta mbështillni rreth qafës.
Pastaj për ta përballuar të nxehti rekomandohet që të bëhet dush i freksët ose edhe larje e këmbëve me ujë të ftohtë. Me tej mund të mbështillni kube akulli në një peshqir të lagur dhe ta varini poashtu rreth qafës.
Në temperatura të larta gjithashtu duhet të vishni rroba të lehta dhe të gjëra, si dhe vazhdoni të pini ujë para se të ndjeni etje, veçanërisht nëse jeni jashtë dhe kryeni aktivitet fizik.
Si dhe për fund, mos harroni që ushqimet dhe ilaqet tuaja t’i ruani në temperatura të përshtatshme.
