Advertisements
Të paktën 54 palestinezë janë vrarë në dy sulme ajrore izraelite gjatë natës, duke përfshirë një sulm ndaj një shkolle që strehon familjet e zhvendosura në Gazën qendrore, kanë thënë dy drejtorë spitali për BBC.
Shkolla Fahmi Al-Jargawi në qytetin e Gazës kishte strehuar qindra njerëz të zhvendosur nga qyteti Beit Lahia, aktualisht nën sulm intensiv ushtarak izraelit.
Një zëdhënës i Mbrojtjes Civile të Gazës, të drejtuar nga Hamasi, tha se 20 trupa, përfshirë ato të fëmijëve, u gjetën të djegur, transmeton Klankosova.tv.
Ushtria izraelite (IDF) tha se kishte shënjestruar “një qendër komandimi dhe kontrolli të Hamasit dhe Xhihadit Islamik”.
