Vivian Jenna Wilson, vajza 21-vjeçare e Elon Musk, ka ndarë për herë të parë ndjesitë e saj pasi babai i saj e quajti “të vdekur” në një intervistë me psikologun Jordan Peterson.
Në një paraqitje të fundit në podcastin e Matt Bernstein, Vivian, e cila është një grua transgjinore që nga viti 2020, tregoi momentin kur mësoi për deklaratat e babait të saj dhe si reagoi emocionalisht.
“Sapo u zgjova dhe pashë disa mesazhe nga tezja ime për intervistën. Menjëherë i shkruajta mamasë: ‘Nuk mund ta lejoj këtë idiot të më shkatërrojë. Duhet të luftoj. Do të dal publikisht. Më vjen keq, por nuk mund të më ndalosh’”, rrëfeu ajo me emocione.
E ëma, Justine Wilson, ish-bashkëshortja e Musk dhe nëna e gjashtë fëmijëve të tij, i dha mbështetjen e saj duke i thënë: “Bëj atë që duhet të bësh, por kujdesu për veten.”
Kjo deklaratë vjen në vazhdën e raporteve të tensionuara mes Elon Musk dhe vajzës së tij që prej daljes së saj publike si transgjinore, duke treguar për herë të parë edhe më shumë nga përplasja e ndjeshme familjare që ka bërë bujë në opinionin publik.
