Mbrëmja e djeshme në shtëpinë më të famshme në Shqipëri ishte një festë e paharrueshme! Dasma e Eglit dhe Gjestit në BB VIP Albania mblodhi yjet por një emër që mori gjithë vëmendjen ishte Loredana, e cila jo vetëm që u shfaq në event, por bëri edhe një deklaratë zemre që ka trazuar rrjetin!
Pas pjesëmarrjes në dasmë, ajo publikoi një postim të gjatë në Instagram, ku shpërtheu me ndjenja falënderimi dhe reflektimi. Ajo shprehu mirënjohjen e saj për familjen e Top Channel, duke nisur nga drejtuesit e deri tek çdo punonjës që punoi ditë e natë për të realizuar këtë spektakël.
“Ndoshta nuk isha e zonja me fjalët, por thellë brenda shpirtit doja dhe dua të shpreh shumë,” – shkruan ajo, teksa rrëfen se BB VIP e ka rritur emocionalisht dhe shpirtërisht.
Me sinqeritet, Loredana falënderoi publikun për dashurinë dhe mbështetjen që ka marrë jashtë shtëpisë.
