Dita nisi e qetë në shtëpinë e “Big Brother VIP 4”, por gjërat ndryshuan kur të gjithë banorët u mblodhën në living. Teksa Gjesti po luante me Aldon dhe Shkëlzenin, Vserlo dhe Ola i kanë ngacmuar.
Vserlo tentoi që t’u merrte ‘topin’ që banorët kishin improvizuar dhe Gjesti iu kundërpërgjigj duke i thyer një vezë në fytyrë. Ai nuk e priti aspak mirë këtë veprim të banorit dhe iu kthye duke i bërtitur:
“Më ke gjuajtur në fytyrë. Më ke gjuajtur te hunda dhe te buza”.
Më pas ai u ngrit në këmbë dhe mori diçka për t’ia hedhur në trup, po Ola, Rozana dhe Laerti i thanë që të mos bënte njësoj si ai.
Gjesti nuk e la me kaq pasi mori një tjetër vezë dhe ia hodhi Olës, e cila po thoshte se me pataten që e kishin bërë si top mund t’u binte në fytyrë.
Ola nuk reagoi pas veprimit që bëri Gjesti por u çua dhe u largua.
