Renato Muska dhe Angjelina Hadergjonaj
.Po kush është ‘Reno i vogël’? Si i ka shpëtuar deri më sot ekzpozimit mediatik dhe goditjes së SPAK-ut?
Në dosjen e organizatës krimianle të Leart Haxhiut, i dënuar me burgim të përjetshëm për një sagë krimesh, del në pah edhe një personazh i njohur si ‘Reno i vogël’, një eksponent i botës së krimit, i strehuar në Dubai, porositës vrasjesh dhe trafikant kokaine.
Sipas dosjes së SPAK, ‘Reno i vogël’ kishte kontraktuar grupin e Leart Haxhiut për të ekzekutuar Renaton e Kalivaçit, Renato Çaushi alias Andrea Çaushi, një nga bosët e krimit në Sarandë, shok i Elton Çiços, me gurore, para publike dhe pasuri publike, përfshirë edhe Kalanë e Lëkursit, i patrazuar ende nga SPAK-u.
Po kush është ‘Reno i vogël’? Si i ka shpëtuar deri më sot ekzpozimit mediatik dhe goditjes së SPAK-ut?
‘Reno i vogël’ është shtetasi Renato Muska, një personazh i specializuar në trafikun e kokainës, me pasuri me vlerë miliona euro në Shqipëri, Evropë dhe Dubai, kamufluar në emër të njerëzve të besuar. Renato Muska, për t’i shpëtuar SPAK-ut dhe hakmarrjes nga rivalët në trafikun e drogës, është zhvendosur në Dubai. Muska bashkëjeton në Dubai me vajzën e këngëtares Arbëria Hadërgjonaj, Anxhelina Hadërgjinajn. Që pas zhvendosjes së Renos së Vogël në vendin e të pasurve, Anxhelina ka udhëtuar shpesh në Dubai.
SPAK po heton veprimtarinë kriminale të Renato Muskës. Besohet se porosia e tij për të eleminuar Renato Çaushajn, ka ardhur pas prishjes në pazare për trafikun e drogës. Në dëmshminë e tij, i penduari i drejtësisë Artan Tafani, ushtar i Leart Haxhiut për vrasje me pagesë, ka treguar me detaje planin për të ekzekutuar Renato Çaushin.
Pjesë nga rrëfimi i Artan Tafani
…Reno i vogël” këtë ngjarje ia kishte kërkuar “Julit të Pashakos” për ta kryer. Reno mesa di unë Julin e ka shok. Gjithashtu Juli me parë kishte patur shoqëri të ngushtë edhe me Renaton e Kalivaçit alias Andrea Çaushin, prandaj nuk e mori përsipër. Por ja ka dhënë si porosi Laertit, ndaj dhe në filluam përgatitjet…
Konkretisht me aq sa biseduam në atë periudhë, kam dëgjuar nga Laerti se do vritej Renato Kalivaçi alias Andrea Caushi dhe ky do vritej për llogari të një përsoni që i thërrasin Reno i Vogël dhe jeton në Dubai… për këtë punë unë kam shkuar 2 herë në Sarandë, sipas porosisë së Laertit, me automjet për të parë mundësinë për të gjetur Renaton me qëllim për ta vrarë. Njëherë mbaj mend që kam shkuar me Laertin dhe njëherë tjetër me Laertin dhe Fation Veliun. Pas 15-20 ditëve duke qenë se nuk e kam gjetur Renato Kalivaçin, shkova e mora unë benzin gri në Tepelenë dhe e lashë te garazhdi, ku e gjeti Policia e Tiranës, pas grabitjes me armë që bëra në “Astir” dhe ngjarja për vrasjen e Andrea Çaushit, nuk u krye. Për shtetasin me emrin “Reno i vogël”, unë personalisht nuk e njoh dhe nuk e kam takuar ndonjëherë por vetëm e kam dëgjuar nga Laerti, që quhej “Reno i vogël””./Pamfleti
