Gjesti, është eliminua para një jave pas një televotimi kokë më kokë me Drilon Ramën, në bazë të avantazhit të Leonardos si kapiten i javës. Megjithatë, ai nuk ka qëndruar për shumë kohë jashtë ekranit. Pas daljes, Gjesti iu bashkua shtëpisë më të famshme në Shqipëri, Big Brother VIP Albania.
Banorët e edicionit kosovar të Big Brother nuk janë ende në dijeni për këtë zhvillim, ndërsa Xheneta, e cila krijoi një lidhje të ngushtë me Gjestin brenda shtëpisë, ka vazhduar të ndiejë mungesën e tij. Gjatë një momenti kur u vendos një nga këngët e tij, Xheneta është parë e mërzitur dhe me lot në sy.
Ajo ka pyetur disa herë për Gjestin, por deri tani nuk ka marrë ndonjë përgjigje nga produksioni. Mungesa e tij duket të ketë lënë një boshllëk te Xheneta, që po e përjeton si një humbje të madhe.
