Vetëm mendimi se myku mund të shfaqet në flokët tanë është i çuditshëm dhe sigurisht rrëqethës. Megjithatë, duket se kjo çështje specifike po shkakton shqetësim në rritje, veçanërisht në rrjetet sociale si “TikTok”, ku përdoruesit po e diskutojnë gjithnjë e më shumë. Ky trend lidhet natyrshëm me vëmendjen në rritje që ne i kushtojmë shëndetit të kokës, pra skalpit, si dhe flokëve.
Më konkretisht, shqetësimi rreth mykut të flokëve lind nga zakoni i të fjeturit me flokë të lagur, i cili konsiderohet i dëmshëm për shëndetin e skalpit tone.
Edhe pse myku aktual, siç e njohim ne nga frutat ose muret e lagura, ka shumë pak gjasa të rritet në lëkurën e kokës, kombinimi i lagështisë dhe nxehtësisë që krijohet nga flokët e lagur dhe jastëku ka pasoja negative, si për flokët, ashtu edhe për gjatësinë e flokëve.
Shpesh gjumi me flokë të lagur mund të krijojë një mjedis që favorizon rritjen e kërpudhave, siç është myku Malassezia, i cili lidhet me zbokthin dhe dermatitin seborrheik. Gjithashtu mund të shkaktojë inflamacion të gjëndrave të flokëve, duke rezultuar në shfaqjen e puçrrave të vogla dhe të kuqe në lëkurën e kokës.
Me pak fjalë, edhe pse ideja e mykut në flokë mund të tingëllojë ekstreme, është e rëndësishme të thajmë dhe mos ekspozojmë flokët ndaj këtij rreziku për të mbrojtur shëndetin e flokëve dhe skalpit tonë.
