Dhjetëra miliona amerikanë po përgatiten për një stuhi të madhe dimri që mund të sjellë reshjet më të mëdha të borës dhe temperaturat më të ftohta në më shumë se një dekadë.
Sipas Shërbimit Kombëtar të Motit (NWS), stuhia, e cila filloi në mes të SHBA-së, do të lëvizë në lindje në dy ditët e ardhshme, ndërsa 30 shtete janë nën alarmet e motit.
Një gjendje e jashtëzakonshme është shpallur në Kentaki, Virxhinia, Kansas, Arkansas dhe Misuri dhe pjesë të SHBA-së të pamësuar me të ftohtin e fortë, përfshirë Misisipin dhe Floridan.
Parashikuesit thonë se moti ekstrem po shkaktohet nga vorbulla polare, një zonë me ajër të ftohtë që qarkullon rreth Arktikut.
Kushtet në rrugë tashmë janë përkeqësuar, duke shkaktuar përplasje me kamionë dhe makina.
“Për disa, këto mund të jetë reshjet më të mëdha të borës në më shumë se një dekadë,” tha Administrata Kombëtare Oqeanike dhe Atmosferike
“Kjo mund të çojë në janarin më të ftohtë për SHBA-në që nga viti 2011. Temperaturat që janë shumë nën mesataren historike mund të qëndrojnë për një javë”, tha parashikuesi i AccuWeather Dan DePodwin, raporton A2 CNN.
Disa zona të Kansasit dhe Indianës mund të shohin të paktën 20.3 cm borë, ndërsa në disa pjesë të Midëest-it janë të mundshme stuhi.
