Numri i viktimave nga sulmi në tregun e Krishtlindjeve në Magdeburg të premten është rritur në 5. Sipas mediave gjermane, rreth 205 persona kanë mbetur të plagosur, 41 prej të cilëve janë më rëndë.
Siç raporton gazeta “Bild”, autorit i është bërë një test droge dhe ka rezultuar pozitiv.
Theksojmë se sipas informacioneve të para, Taleb al-Abdulmohsen, i dyshuari i arrestuar për sulmin në Magdeburg ishte mjek 50-vjeçar i psikiatrisë dhe psikoterapisë në Bernburg.
I lindur në Arabinë Saudite, qytetin Hufuf, ai në vitin 2006 erdhi për shkollim në Gjermani.
Policia beson se ai mund të ketë qenë nën ndikimin e drogës pasi kontrolloi shtëpinë e të dyshuarit, tha një zyrtar tjetër për gazetën.
Motivet e sulmit mbeten të paqarta, por veprimet dhe deklaratat e tij të mëparshme tregojnë një kombinim të faktorëve personalë, politikë dhe ideologjikë që mund të kenë kontribuar në këtë akt tragjik.
Ndërkohë është publikuar edhe një video nga arrestimi i të dyshuarit i cili shihet i shtrirë në tokë.
