Advertisements
Qeveria zvicerane deklaroi se po pezullon procedurat e azilit për sirianët deri sa të mund të vlerësojë më mirë situatën në shtetin e Lindjes së Mesme pas marrjes në kontroll të Damaskut nga rebelët dhe arratisjes së presidentit sirian Bashar al-Assad në Rusi.
Sekretariati shtetëror për migracion deklaroi të hënën mbrëma se aktualisht nuk është në gjendje të kryejë një kontroll të plotë për të vlerësuar nëse ekzistojnë arsyet për azil për sirianët apo nëse urdhri për deportimin e tyre do të ishte i arsyeshëm, raporton Reuters, transmeton Klankosova.tv.
“Ky sekretariat po pezullon procedurat dhe vendimet për azilkërkuesit nga Siria me efekt të menjëhershëm deri në një rishikim të situatës,” u tha në X.
