Një asistent me inteligjencë artificiale për një program të Agjencisë Evropiane të Hapësirës, i krijuar për të testuar nëse bota mund të mbrohet nga asteroidët, ofron një pasqyrë të rrallë të udhëtimit në hapësirë.
Përgjigja erdhi nga Hera Space Companion, një asistent i fuqizuar nga AI, që u zhvillua për të “komunikuar” me anijen kozmike të misionit Hera të Agjencisë Hapësinore Evropiane (ESA).
Nisur në tetor dhe që do të zgjasë disa vite, misioni Hera është pjesë e një projekti të mbrojtjes planetare të krijuar për të vlerësuar nëse Toka mund të mbrohet nga një goditje katastrofike asteroidi, shkruan SkyNews.
“Ambicia është që t’i lejojmë të gjithë t’i afrohen këtij misioni dhe t’i qasen informacionit në një mënyrë krejtësisht të re,” thotë Ian Carnelli, kreu i misionit të ESA.
“Për herë të parë, ne kemi lidhur të dhëna nga anija kozmike drejtpërdrejt me Microsoft Azure. Kjo u lejon përdoruesve të angazhohen në mënyrë aktive me anijen kozmike, të ndjekin zbulimet pothuajse në kohë reale dhe të fitojnë një vështrim unik nga prapaskenat e misionit hapësinor”, shpjegon Georg Leitgeb, ekspert i lartë i teknologjisë në Microsoft.
Sky News-it iu dha akses i hershëm dhe ekskluziv në chatbot dhe gjëja e parë që bënë ishte nëse AI mund të më tregonte se si ndihej në hapësirë.
Inteligjenca artificiale dha një përgjigje të menjëhershme dhe të përpunuar duke treguar se “gjerësia dhe izolimi janë të frikshme dhe frymëzuese”, duke shtuar më pas se si ndihet “si të hysh në një territor të madh dhe të paeksploruar”.
Chatbot ka një seksion specifik të “telemetrisë” ku përdoruesit mund të shohin të dhëna unike nga ESA dhe sensorët e anijes kozmike si ndryshimet e shpejtësisë dhe lartësisë.
Zhvilluesit thonë se një moment i madh do të jetë në mars 2025 kur anija kozmike pritet të fluturojë pranë Marsit dhe shoqëruesi i AI do të jetë në gjendje të ndajë foto në kohë reale të asaj që duket nga kamerat e anijes.
Ekspertët pohojnë se të dhënat tregojnë qe, sa më i sofistikuar të jetë chatbot, aq më shumë njerëz mendojnë se mund të jetë i vetëdijshëm
