Reperi i njohur shqiptar Rigles Rajku i njohur si Noyzi është paraqitur në Stacionin policor në Rajonin e Pejës ku është intervistuar nga policia dhe më pas me urdhër të Prokurorit të Shtetit është dërguar në mbajtje për 48 orë.
Kështu ka thënë për Indeksonlinen zëdhënësi i Prokurorisë së Pejës Shkodran Nikçi.
“Sapo është dorëzuar në polici, pasi të intervistohet i dyshuari me urdhër të Prokurorit të Shtetit do të dërgohet në mbajtje për 48 orë”, tha Nikçi.
Ndryshe, më 8 gusht të këtij viti drejtësia në Shqipëri kishte marrë vendimin, ku Noizyt dhe DJ Crax-it u ishte caktuar masë arrest me burg.
Më pas më 16 gusht, Gjykata e Durrësit e liroi Noizyn nga paraburgimi, pasi ofroi një garanci pasurore në vlerë prej 50.000 eurosh. Ai dyshohet për lëndim të rëndë trupor. /
