Policia spanjolle ka arrestuar 5 persona të akuzuar për mashtrimin e dy grave të cilave iu morën 325 000 euro duke u paraqitur si ylli i Hollivudit, Brad Pitt në internet. Të dyshuarit kontaktuan me gratë në një faqe interneti për fansat e aktorit fitues të “Oskarit” dhe i shtynë ato të besonin se “kishin një marrëdhënie sentimentale me të”, tha policia civile e Spanjës “Guardia” në një deklaratë të hënën.
Duke u paraqitur si Pitt, anëtarët e bandës dyshohet se më pas i inkurajuan gratë të investonin në projekte të ndryshme që nuk ekzistonin. Një gruaje, nga rajoni jugor i Andaluzisë, iu morën 175 000 euro, ndërsa tjetra, nga shteti verior i baskëve, humbi 150 000 euro.
“Kriminelët kibernetikë, për të kapur viktimat, kishin studiuar rrjetet e tyre sociale dhe kishin bërë një profil psikologjik të tyre, duke zbuluar se të dyja gratë ishin dy persona të pambrojtur, me mungesë afeksioni dhe në gjendje depresioni”, tha policia.
