Reperi i njohur shqiptar, Noizy është arrestuar nga policia në Shqipëri pasi ajo e Kosovës e shpalli në kërkim dhe kërkoi ndihmën e qytetarëve për kapjen e tij.
Artisti akuzohet për veprën penale “lëndim i rëndë trupor” bashkë me DJ Crax-in dhe Stresin, pas një rrah’je që ndodhi në një klub nate në Pejë disa ditë më parë.
Reperi po vazhdon të jetë i ndaluar në Shqipëri deri në ekstradimin e tij në Kosovë dhe për këtë ka folur miku dhe bashkëpunëtori i tij Varrosi, njofton Klankosova.tv.
Përmes një postimi në Instagram, ai e quajti ndalimin e tij të padrejtë pasi siç thotë ai, artisti është kërcënuar, sulm’uar e dhun’uar verbalisht bashkë me familjen.
“Ne respektojmë institucionet, respektojmë ligjet, por sa të sigurt duhet të ndihemi ne dhe familjet tona kur shohim se drejtësia vepron me disa standarde? Kur shohim që disa personazhe që përdorin TikTok-un dhe rrjetet sociale për të kërcënuar deri dhe me jetë, më pas i dalin zot dhun’es së tyre verbale, e prapëseprapë nuk u hy gjemb në këmbë”, shkroi Varrosi, njofton Klankosova.tv.
Tutje, Varrosi i cili është poashtu reper i njohur, kërkoi nga ndjekësit e tij ta shpërndajnë postin dhe të jenë me #Noizyn, pasi sipas tij ai nuk është fajtor.
Lexo më poshtë të plotë deklaratën e Varrosit:
