Inteligjenca artificiale është në vëmendjen e gjigantit Apple, veçanërisht pas njoftimit se në vjeshtë të këtij viti, me përditësimin e sistemit iOS 18, do të integrohet edhe ChatGPT. Siri dhe të tjera opsione do të ndërthurin inteligjencën artificiale për t’u ofruar përdoruesve një eskperiencë të re me teknologjinë, por jo të gjithë mendojnë kështu.
Ka pasur debate të shumta nëse kjo inteligjencë artificiale duhet të përdoret nga përdoruesit për marrjen e informacionit, pasi mund të cenojë privatësinë e tyre, ndërsa Apple ka siguruar njerëzit se kjo risi nuk do të përdoret për t’u marrë të dhënat, por për të sjellë më shumë lehtësira.
Apple ka krijuar edhe një aplikacion të ri për fjalëkalimet, ku mund të aksesohen të gjitha kodet sekrete që njerëzit vendosin për rrjetet sociale, email etj, në një vend të vetëm. Risia në fjalë do të ofrohet vetëm në modelin e iPhone 15, pasi kërkon procesorë të avancuar.
Megjithatë, njerëzit janë shprehur të shqetësuar, pasi jo pak herë edhe ChatGPT është përballur me akuzën se merr të dhënat e përdoruesve të saj, si dhe ofron informacione të papërshtatshme për moshën e njerëzve që e aksesojnë.
