Aktori Julian Deda ka reaguar publikisht përmes një postimi në Instastory me një përgjigje për të gjithë ndjekësit virtuale që i dërgojnë mesazhe se i vjen inat për humbjen e “BBVA 3” dhe rrjedhimisht, çmimit të madh.
“Përshëndetje të gjithë fansave me profile fallco të E dhe R, që më shkruani në inbox, duke dashur të më intimidoni me fjalinë e famshme “të erdhi inat që nuk more 100 mijë euro.”
Sipas aktorit, përtej faktit se ky çmim i madh dhe kjo shifër parash nuk janë dhe gjithkujt i duhen aq para, por përtej vlerës monetare për të si artist kanë më shumë vlerë dashamirësia e njerëzve që duket se nuk i mbush xhepat, por shpirtin plot.
“Si fillim, unë e kam thënë edhe brenda shtëpisë, se më i rëndësishëm për mua ishte prezantimi para publikut në modulin BIO. Kam thënë gjithashtu që më intereson më shumë fitorja sesa lekët në vetvete. Gjithkujt i duhen 100 mijë euro, por jo gjithkush e kupton sa e rëndësishme është dashamirësia e njerëzve, që vërtetë nuk të mbush xhepat, por shpirtin, zemrën dhe mendjen t’i mbushin plot. Por, për merakun tuaj, sapo t’i bëj 100 mijë euro, do ju lajmëroj, që të flini rehat ju bashkë me E dhe R…!”, shprehet Juli.
Kujtojmë që dy ditë pas përfundimit të “BBVA 3”, ai reagoi përmes një videoje të gjatë të publikuar në Instagram.
