“Ndiej shumë dashuri nga njerëzit”. Kështu u shpreh mëngjesin e sotëm Heidi Baci teksa ishte e ftuar në emisionin “Wake Up”.
Duke qenë se është një personazh i ri në showbizin shqiptar, ajo është mjaft e komentuar në mediat rozë.
E pyetur nëse e bezdis kjo vëmendje që po merr pas daljes nga shtëpia e “Big Brother VIP3”, ish-finalistja tha që nuk e shqetëson.
“Madje ndiej shumë dashuri nga njerëzit. Më bëhet shumë qejfi dhe jam mirënjohëse për dashurinë e tyre. Unë në atë format isha futur, do isha budallaqe nëse do mendoja se nuk do kisha vëmendje”, u shpreh ajo.
Ndërsa në lidhje me familjen e saj, Heidi tha se ‘ata janë të lumtur, e shikojnë të lumtur’.
“Siç e kam thënë gjithmonë, mbështetja numër 1 është fëmija. Kur ke ata, ke gjithë botën”, shtoi Baci.
Pyetjes ‘kur të shkosh në Itali do shkosh vetëm apo me burrin?’, Heidi u përgjigj duke qeshur:
“Do e marr dhe Romeon atje në Itali dhe ‘ciao’… E imagjinon dot?”.
Moderatorët e ngacmuan gjithashtu edhe në lidhje me martesën, nëse ka ndonjë ide se si do t’a donte propozimin
“Nuk do e them, më pëlqejnë surprizat…”, tha shkurt Heidi.
Gjithashtu ajo tregoi edhe nëse ka komunikuar me ish-banorët me të cilët ndau këtë rrugëtim prej 133 ditësh, tani pas daljes nga BBV3.
Ndërsa e pyetur se kë do donte të takonte nga banorët dhe do e merrte në telefon vetë, Baci tha: “Julin ndoshta”.
Ish-banorja u pyet edhe në lidhje fituesen e këtij edicioni të tretë të reality show-t, Egla Ceno.
“E kisha shumë xhan, por ndodhi ajo që ndodhi. E meritoi fitoren, e respektoj vendimin e publikut. Por, nuk më pëlqen mënyra si është sjellë në lojë. Unë kam parime të tjera”, tha Heidi.
