Tina Knowles, nëna e Beyonce ka ndarë së fundmi disa informacione për yllin e pop-it të cilat nuk i kemi ditur më parë. Konkretisht, në një video për Vogue, të cilën e ka shpërndarë në Instagram, 70-vjeçarja ka treguar për vajzën e saj:
“Beyonce ka qenë shumë e turpshme dhe pak e frikësuar. Ditën që ajo u ngrit për dikë, ajo nuk u ngrit për veten e saj. Jam shumë e emocionuar duke folur për të, nuk mund të jem më krenare se kaq për vajzën time”.
Knowles foli gjithashtu për vajzën tjetër të saj, Solange teksa e përshkruan si një “aktiviste” të zellshme. Ajo ndër të tjera gjeti kohë të fliste edhe për Kelly Rowland, të cilën e ka konsideruar prej kohësh si vajzën e saj. Rowland ishte pjesë e “Destiny’s Child” së bashku me Beyoncé dhe u zhvendos me familjen e saj kur ajo ishte adoleshente.
