Erjola Doçi u eliminua mbrëmë pas një televotimi të dytë që u hap në “Big Brother Vip Albania 3” dhe ishin votat e publikut ato që vendosën që rrugëtimi i saj të mbaronte. E ftuar në puntatën e sotme të “Fun Club”, Erjola u pyet për mesazhet e Romeos kundrejt saj, diçka e pretenduar nga Graciano Tagani.
Moderatorja u shpreh se një veprim i tillë nga ana e një miku quhet pabesi!
“Të nxjerrësh qofshin ato të vërteta apo të pavërteta në tavolinë dhe t’ia bësh këtë një mikeshë quhet pabesi. Në rastin e tij ishin akuza në versione të ndryshme. Ai dha katër versione dhe nuk mbajti asnjërin. Unë jam shprehur për Gracianon, se nuk dua t’ia përmend as emrin se është futur në një det ku është ai i mbyturi. Jo nga unë, por nga haku im,” u shpreh Erjola.
Duket se menjëherë pas daljes nga edicioni i tretë i këtij reality show, veprimi i parë që ka bërë Erjola ishte t’i jepte fund miqësisë me koreografin.
“Gjëja e parë që bëra sapo mora telefonin ishte një unfollow dhe një block Gracianos dhe më pas fika internetin dhe vazhdova me qetësinë time, jetën me njerëzit e afërt dhe familjarët,” shton ajo.
Moderatorja u pyet edhe për raportin mes Romeos dhe Heidit dhe këndvështrimin e saj për këtë romancë që lindi brenda shtëpisë së “BBVA3”.
“Mes Heidit dhe Romeos kam parë kimi dhe vetëm kaq. Ua kam thënë edhe në sy nuk është diçka e re. Dashurinë e vërtetë nuk e kam ndjerë në muret e asaj shtëpie nga çifti i fundit që mbeti në “BBVA3”, përfundoi ajo.
