Rita Ora dhe Taika Waititi të cilët u martuan në vitin 2022 dukeshin shumë të dashuruar teksa morën pjesë në Met Gala 2024 në New York City më 6 maj.
Këngëtarja e “Praising You” dhe regjisori i Thor: Love and Thunder dukeshin të mrekullueshëm ndërsa pozuan në tapetin e kuq për Met Gala 2024 në Muzeun Metropolitan të Artit.
Në përputhje me temën e natës, “Kopshti i Kohës”, Rita, u përpoq për një pamje ikonike, duke shfaqur një fustan Tom Ford të stiluar nga Tom Eerebout .
Vetë fustani përmbante një trup me rrjetë, mbi të cilin vareshin fije rruazash në nuanca të ndryshme të zezë, rozë, portokalli, bruz dhe të bardhë, duke ia zbuluar pjesët intime.
Siç tha Rita për Vogue gjatë transmetimit të tyre të drejtpërdrejtë të ngjarjes, disa nga rruazat janë të shekullit të parë dhe të dytë para Krishtit, duke i bërë ato “më të vjetra se kushdo në këtë planet”.
Nga ana e tij, Taika, 48 vjeç, zgjodhi një pamje po aq efektive që plotësonte atë të Ritës. E stiluar nga Jeanne Yang , Taika u ngjit në tapet me një kostum Marni lëkure tërësisht ngjyrë kafe, të kompletuar me kravatë lëkure dhe doreza.