Kourtney Kardashian rikujtoi sërish videon e famshme të Kim, e cila humbi (për ca çaste vathët me diamantë në oqean) dhe kaq mjaftoi që njerëzit të aktivizoheshin.
“Diamantet e mia ranë në oqean dhe kanë humbur”, shkruan ajo në një foto ku është duke u larë në det. Njerezit nisën nga batutat dhe rikthyen në vëmendje videon e famshme të Kim Kardashian, e cila në një nga episodet e 2011-ës të reality show-t të famshëm, humbi në det vathët e diamanteve me vlerë 75.000 dollarë dhe filloi të qajë e panikosur.
Asokohe, Kourtney, e cila njihet si ndër personat më të vërtetë dhe të drejtpërdrejtë të familjes, u bë virale për batutën e saj: “Kim ka njerëz që po vdesin në botë”.
Në postimin me të njëjtin shkrim që tashmë e publikoi Kourtney, u bashkua edhe Kris për të vazhduar batutën e saj. “Kourtney ka njerëz që po vdesin”, shkroi nëna e vajzave të famshme.
“Kjo batutë nuk të mërzitet kurrë”, shkruan dikush në komente, dhe në po të njëjtën linjë ndiqet dhe nga të tjerë persona që kanë pëlqyer komentin e Kris.
