Alzheimer është shkaku më i zakonshëm i demencës në Britani të Madhe, është progresive dhe simptomat zakonisht zhvillohen gjatë disa viteve.
Shenjat e hershme të demencës mund të jenë të vështira për t’u identifikuar sepse shumë nga simptomat ngatërrohen me betejat e zakonshme të shëndetit mendor. Mund të jetë e vështirë ta dish se sa të shqetësohesh nëse mendon se dikush mund të jetë ndryshe nga hera e fundit që e ke parë.
Shenjat e hershme mund të jenë ndryshimet e humorit, ankthi ose depresioni – të cilat mund të jenë të pranishme për shkak të faktorëve të tjerë. Instituti Shëndetësor në Britani raporton se faktorët e tjerë përfshijnë humbje të kujtesës, vështirësi në përqendrim, vështirësi për të ndjekur një bisedë ose për të gjetur fjalët e duhura, ose konfuzione për kohën dhe vendin.
Por, sa më shpejt që simptomat të identifikohen dhe ekzaminohen, aq më shpejt trajtimi mund të marrë rrjedhën e tij. Një neuroshkencëtar, Robert Love, po i ndihmon njerëzit të kuptojnë se cilat janë shenjat e hershme paralajmëruese. Eksperti shëndetësor ka grumbulluar mbi 13.2 milionë shikues dhe 1.8 milionë ndjekës në faqen e tij në TikTok, ku ai i ndihmon njerëzit të përmirësojnë kujtesën e tyre.
Roberti thotë se ushtrimet mund të ndihmojnë në parandalimin e Alzheimerit. Ai tha se bërja e gjimnastikës për 20 deri në 30 minuta në javë zvogëlon rrezikun, si dhe stërvitjet me pesha mund të ndihmojnë në parandalimin. Ai gjithashtu vuri në dukje se marrja e bollshme e diellit dhe ngrënia e kërpudhave mund të jenë të mira për trurin tuaj.
Në një nga videot e tij të fundit, Robert shpjegoi se si dikush që nuk mund të parkojë drejt veturën mund të ketë një shenjë paralajmëruese të hershme të Alzheimerit. Shenjat u zbuluan pas punës së kryer nga Doktor Daniel Amen. Psikiatri dhe specialisti i çrregullimeve të trurit bëri skanime të trurit te njerëzit me sëmundjen Alzheimer.
“Gjëja e parë që Dr Daniel Amen gjeti ishte se lobet parietale filluan të prishen – lobet parietale janë të përfshira në informacionin e hyrjes ndijore. Pra, shenja e hershme paralajmëruese është që njerëzit humbasin ose njerëzit kanë probleme të parkojnë drejt”.
Love gjithashtu komentoi se ekziston një lidhje “çuditëse” mes gjumit dhe sëmundjes. “Nëse nuk flini, truri juaj nuk funksionon siç duhet. Gjëja numër një është se gjumi zvogëlon rrezikun e depresionit dhe ankthit. Depresioni është një faktor kryesor rreziku për Alzheimer. Gjithashtu gjumi është thelbësor për të krijuar kujtime të reja”, shkruan Mirror,
