Vesa Vllasaliu dhe Alba Vukaj u bënë të njohura për publikun si dy nga konkurrentet më të spikatura në shtëpinë e “Big Brother VIP Kosova”.
Gjatë qëndrimit të tyre në këtë reality show, të dyja krijuan një marrëdhënie miqësore që u duk e fortë dhe e sinqertë për ndjekësit.
Megjithatë, pas përfundimit të spektaklit, kjo marrëdhënie duket se ka ndryshuar rrënjësisht, dhe kohët e fundit, raporti i tyre është bërë temë diskutimi në mediat rozë
.Vesa, e cila ishte shpesh e rezervuar për të folur publikisht për çështjet personale, vendosi të zbulojë për herë të parë arsyen e largimit të saj nga Alba dhe mospranimin e ftesës për të shkuar në emisionin e moderuar nga ajo.
Gjatë një interviste të dhënë për “Dukagjin”, Vesa pranoi se marrëdhënia e saj me Albën kishte ftohur në mënyrë të dukshme pas daljes nga shtëpia e “Big Brother VIP Kosova”.
Sipas saj, komunikimi mes tyre ishte bërë gjithnjë e më i rrallë, dhe përpjekjet e saj për të mbajtur një marrëdhënie të mirë nuk ishin pritur me të njëjtin interes nga ana e Albës.
“I kam shkruar disa herë për të dalë për kafe, por nuk ka ardhur asnjëherë,” tha Vesa.
Ajo sqaroi se përkundër përpjekjeve të saj për të ruajtur një lidhje miqësore, Alba nuk kishte treguar interes të njëjtë. “Ne komunikonim rrallë, dhe sot nuk kemi më kontakte. Janë shpërndarë edhe disa thashetheme dhe rrena për marrëdhënien tonë, por unë nuk kam thënë asgjë për to, edhe pse e di çfarë ka ndodhur,” vijoi ajo duke lënë të kuptohet se prapa prishjes së raportit kishte arsye më të thella.
