Advertisements
Një aksident i rëndë ka ndodhur gjatë një gare drag në Krosno të Polonisë, ku një veturë ka dalë nga pista dhe është futur në turmën e shikuesve. Sipas raportimeve të “The Sun”, të paktën 15 persona janë lënduar, katër prej tyre ndodhen në gjendje kritike.
Pamjet e publikuara nga mediumi polak “Remiza” tregojnë momentin kur një veturë e gjelbër BMW godet spektatorët që ndodheshin afër shtegut.
Menjëherë pas incidentit, dhjetë ekipe mjekësore u mobilizuan në fushën ajrore ku po zhvillohej gara, ndërsa një ambulancë ajrore nga Krakowi u dërgua në vendin e ngjarjes për transportin e të lënduarve në spital.
