Advertisements
Komandanti i lartë i Ukrainës paralajmëroi të premten për “betejat e rënda” që priten te ndodhin në zonë të Kharkivit, ndërsa presidenti rus Vladimir Putin tha se Moska po krijon një “zonë tampon” në zonë.
Duke folur gjatë një vizite shtetërore në Kinë, Putin tha se Rusia po krijonte një “zonë tampon” në verilindje të Ukrainës për të mbrojtur rajonet e veta kufitare, por gjithashtu tha se pushtimi i qytetit të dytë më të madh në Ukrainë, nuk ishte pjesë e planit aktual, transmeton Reuters.
“Ata po qëllojnë drejtpërdrejt në qendër të qytetit, në zonat e banuara. Dhe unë e thashë publikisht se nëse kjo vazhdon, ne do të detyrohemi të krijojmë një zonë sigurie, një zonë tampon. Kjo është ajo që po bëjmë”, tha i pari i Rusisë.
