Përveç publikimeve muzikore dhe çmimeve Grammy, këngëtarja Rihanna gjithmonë bën bujë me veshjet dhe prerjet e saj të guximshme. Kështu ndodhi edhe në fund të javës së kaluar, kur 36-vjeçarja u fotografua me flokë të shkurtër bjonde, duke çuditur edhe fansat e saj. Megjithatë, ende nuk dihet nëse ky look do të qëndrojë për një kohë.
Rihanna u pa për herë të parë me modelin e flokëve të premten e kaluar, më 22 mars, ndërsa ishte në Santa Monica.
Flokët e saj janë lyer bionde që nga nëntori i kaluar, por vetëm së fundmi janë shkurtuar. “Faza e fundit e flokëve të shkurtër” e Rihanna-s ishte pothuajse një dekadë më parë.
Ndërmjet viteve 2007 dhe 2014 ajo kishte modele të ndryshme flokësh, asnjëra prej të cilave nuk ishte më e gjatë se gjatësia e shpatullave. Prerja e re e flokëve ka të ngjarë të bëjë nostalgjikë disa fansa, pasi këngëtarja publikoi disa nga këngët e saj më të njohura gjatë këtyre viteve.
