Biznesmeni Behgjet Pacolli ka reaguar ndaj deklaratës së Drejtësisë, Albulena Haxhiu në lidhje me rastin e Grandit, raporton Ekonomia Online.
“Deklarata e ministres Haxhiu tingëllonte si një formë “vetëngushëllimi”, ka shkruar Pacolli.
Ai ka theksuar se ministrja e din shumë mirë, që askush në këtë proces nuk ka kërkuar objektin.
“Ministrja e din shumë mirë, që askush në këtë proces nuk ka kërkuar OBJEKTIN nga ju në asnjë moment. Këtë e lexoni edhe në postimin e maparshëm. Që nga fillimi i procesitit,Mabco ka kërkuar gjithmonë që t’i kthehen fondet e saj,të cilat janë përvetësuar në mënyrë të jashtëligjshme dhe asgjë tjetër”, ka shkruar Pacolli.
Ai madje në një postim të mëparshëm ka sqaruar se që nga fillimi i procesit, Mabco ka kërkuar gjithmonë që t’i kthehen fondet e saj, të cilat janë përvetësuar në mënyrë të jashtëligjshme dhe asgjë tjetër.
Pacolli ka njoftuar se kompania e tij “Mabco Construction Int” ka fituar drejtësisht arbitrazhin ndërkombëtarë i organizuar nga dhoma e posaçme e Bankës botërore në Washington për rastin e Grandit, ndaj Shtetit të Kosovës.
“Vendimi parashikon që Qeveria e Kosovës duhet të rikthejë shumën e paguar nga Mabco për objektin që, për shkak të refuzimit për të paguar haraç, nuk iu njoh kurrë e drejta e pronësisë, megjithëse pagesen Qeveria e kishte inkasuar në kohë (në vitin 2006). Ky triumf në arbitrazhin ndërkombëtar është një sinjal i qartë se e drejta vonohet, por gjithmonë del në dritë”, ka shkruar ai.
Dje, ministrja e Drejtësisë, Albulena Haxhiu ka shkruar për rastin e Behgjet Pacollit, duke thënë se Republika e Kosovës, sipas Vendimit të Qendrës Ndërkombëtare për Zgjidhjen e Kontesteve Investimeve, sipas saj, ka gjetur që nuk ekziston asnjë premisë, dëshmi apo teori që sipas saj, do t’ia mundësonte Behgjet Pacollit pronësinë mbi Grandin.
Ajo ka theksuar se e vetmja gjë për të cilën obligohet Republika e Kosovës, është kthimi i vlerës monetare të cilën Pacolli sipas Haxhiut, ia kishte dhënë AKP-së në emër të privatizimit.
