Justin Bieber u fotografua në Los Angeles gjatë fundjavës, vetëm një ditë pasi reagoi publikisht për herë të parë ndaj spekulimeve që e përfshinin në lidhje me reperin Sean “Diddy” Combs, i cili aktualisht përballet me akuza serioze për trafikim seksual.
Zërat për një lidhje të dyshimtë mes Bieber dhe Diddy-t u ndezën pasi u rikthye në qarkullim një video e vjetër mes tyre, e cila u cilësua nga fansat si “shqetësuese”. Këngëtari, megjithatë, ka sqaruar në një deklaratë zyrtare:
“Nuk jam një nga viktimat e Diddy-t. Por ka njerëz që janë lënduar vërtet prej tij dhe është e rëndësishme që drejtësia për ta të mos anashkalohet.”
Burime për TMZ sqarojnë se marrëdhënia mes Bieber dhe Diddy-t nuk ka qenë e afërt dhe është kufizuar kryesisht në dalje publike dhe evente të përbashkëta. Thuhet se ai ka pasur marrëdhënie më të ngushta me djemtë e Diddy-t sesa me vetë artistin.
Në këtë periudhë të vështirë, Justin është përballur gjithashtu me thashetheme rreth martesës së tij dhe për probleme të mundshme financiare. Në një dalje me mikun e tij të ngushtë, Harry Hudson, Bieber është parë i tërhequr dhe i lodhur, duke nxitur shqetësime për shëndetin e tij emocional.
Ndërkohë, bashkëshortja e tij Hailey Bieber është fotografuar në një dalje të qetë me mikeshën Lori Harvey në zonën e Beverly Hills, pa shumë ekspozim mediatik.
Një burim pranë çiftit i tha “DailyMail” se:
“Ai është mbyllur dhe nuk është gati të flasë. Shumë nga ata që e ndihmuan në fillimet e karrierës kishin lidhje të ngushta me Diddy-n – kjo e ka goditur fort.”
