Çdokush ka gazra. Por, arsyet për to mund të jenë të ndryshme dhe ndonjëherë shkak për shqetësim.
“Si gastroenterolog, më pyesin gjithmonë për këtë”, ka thënë Mark Corkins, shef i divizionit në Qendrën Shkencore Shëndetësore në Tennessee. “Janë dy burime të gazrave, dhe jo të gjitha gazrat janë gazra. Një pjesë e asaj që e lëshojmë jashtë është ajër. Ne marrim ajër dhe disa njerëz gëlltisin shumë ajër. Tani, ato duken se janë pa erë”, raportoi CNN.
Gazrat e vërtetë, nga ana tjetër, janë kryesisht nënprodukt i fermentimit të ushqimit në zorrën e trashë, ka shpjeguar Corkins. “Zorra e trashë ka miliarda baktere që jetojnë në të… nëse ne nuk e tresim ushqimin, bakteret do ta bëjnë atë”.
Lëshimi i gazrave “në mes ndoshta pesë dhe 15 herë në ditë… është totalisht normal”, ka thënë William Chey, profesor i gastroenterologjisë në Universitetin e Michiganit. “Kjo për shkak se njerëzit janë të ndryshëm në mënyrën se si funksionon trakti gastrointestinal, mikrobiomeve që jetojnë brenda traktit të tyre dhe çfarë hanë. Të gjithë janë faktorë për përcaktimin e sasisë së lëshimit të gazrave dhe çfarë ere kanë”.
Por, ekspertët thonë se çfarë çon posaçërisht në gazra, ose sasisë së madhe të tyre, është ngrënia e ushqimit që është më vështirë i tretshëm.
