Author: G. R.

Rita Ora, ka folur së fundmi për marrëdhënien me bashkëshortin, Taika Waititi-n, me të cilin i dha fund beqarisë rreth dy vite më parë. Gjatë after party-t pas ceremonisë së çmimeve “Emmy Awards 2024”, që u mbajt më 15 shtator, këngëtarja ka bërë edhe një koment të veçantë për të shoqin. “Ne frymëzojmë njëri-tjetrin”, tha Rita për mediat. “Unë vij nga muzika dhe ai është skenarist, regjisor dhe producent, kështu që është një shtëpi plot ide. Ne jemi të dy shenja zjarri, gjithashtu. Pra, është thjesht zjarr, zjarr, zjarr”, ka thënë ajo për People. Çifti i dha fund beqarisë në…

Kur kompania mëmë, Stellantis publikoi raportin gjysmë-vjeçar, shifrat nuk dukeshin të shkëlqyera për Maserati.   Shitjet kanë rënë nga 15300 njësi në vetëm 6500 vetura, deri në qershor 2024! Kjo është një rënie drastike prej gati 60 për qind. Çfarë ndodhi? Epo, sipas Carlos Tavarez, kreu i Stellantis, rënia shqetësuese e shitjeve është shkaktuar nga marketingu joefektiv, jo nga problemet me produktet apo strategjinë e çmimeve. “Në rastin e Maserati, ne kemi veturat dhe teknologjitë e duhura. Ne mund të ofrojmë modele me motorë SUS ose vetura sportive luksoze 100 për qind elektrike. Nëse shitjet janë aktualisht të dobëta, është…

Dogana e Kosovës ka konfiskuar tetë iPhone 16 në Aeroportin Ndërkombëtar të Prishtinës “Adem Jashari”. Dogana njofton se ndaj personave të përfshirë janë inicuar procedurat kundërvajtëse “Mbrëmë oficerët doganorë në Aeroport, në kuadër të zbatimit të planit operativ për luftimin e kontrabandës, kanë realizuar me sukses disa operacione të rëndësishme. Në dy raste të veçanta, janë parandaluar përpjekjet për kontrabandimin e tetë (telefonave të rinj **iPhone 16**, të sapo dalë në treg për shitje. Të gjitha pajisjet janë konfiskuar. Ndaj personave të përfshirë janë inicuar procedurat kundërvajtëse në përputhje me ligjet në fuqi”, thuhet në njoftim.

Një ngjarje e pazakontë ka ndodhur në Itali. Mediat italiane bëjnë të ditur se një roje plazhi profesionist është gjobitur me 1032 euro, pasi i ka shpëtuar jetën një turisti. Ngjarja ndodhi më 3 shtator në plazhin Ca’ Savio, kur 44-vjeçari Saverio Amato shpëtoi nga mbytja në ujë një turist shtatëdhjetëvjeçar. Por ditët e fundit atij i është dorëzuar një kallëzim me gjobë prej 1032 eurosh me arsyen e mos komunikimit të menjëhershëm me zyrën detare, duke mospërmbushur detyrat  institucionale të Zyrës së Portit, shkruan A2. “Shpëtimtari nuk lajmëroi menjëherë Autoritetin Portual, siç e kërkon protokolli, duke penguar përmbushjen e…

Ish-reperi i njohur Feronit Shabani, “Fero” ka fituar për 12 muaj kujdestarinë e vajzës së tij, sipas një akt-vendimi të gjykatës për një urdhër-mbrojtje emergjente. Ndërkaq, Arbenita pas kësaj ka publikuar një fotografi ku shihet e buzëqeshur. Sipas këtij vendimi, siç potencoi edhe vetë Fero, vajza do të qëndrojë gjatë javës me të, derisa gjatë fundjavës, mund të qëndrojë me nënën e saj, Arbenita Ismajlin. Fero, para disa ditësh ishte bërë krye-temë në medie për faktin se deklaroi që ish-bashkëshortja e tij ka shkelur rregullat gjyqësore, duke e marrë vajzën jashtë vendit pa autorizimin e tij.

Presidentja e Kosovës, Vjosa Osmani, është duke qëndruar për vizitë zyrtare në SHBA. Atje i është bërë një pritje nga ushtria amerikane. Ushtarët dhe kadetët në “West Point”, kanë brohoritur “Kosova, Kosova”. Osmani ka shpërndarë në rrjetet sociale videon kur kadetët dhe ushtarët amerikanë duartrokasin dhe brohorasin “Kosova, Kosova”.  

Dhjetëra mijëra njerëz në katër qytete të Japonisë qendrore janë urdhëruar të evakuohen pasi sinoptikanët paralajmëruan për përmbytje të mëdha të shkaktuara nga shiu i dendur. Rreth 18 mijë njerëz në qytetin e Wajima dhe 12 mijë të tjerë në Suzu u është thënë të kërkojnë strehim në prefekturën Ishikawa, ishull Honshu, raporton BBC. 16 mijë banorë të tjerë në prefekturat Niigata dhe Yamagata në veri të Ishikawa u tha gjithashtu të evakuoheshin, tha agjencia e lajmeve AFP.

Dy persona janë marrë në stacionin policor në Prishtinës mbi dyshimin për prodhim dhe shpërndarje të produkteve të dëmshme mjekësore. Policia ka njoftuar se ata dyshohet se kishin shitur barna pa banderola të Republikës së Kosovës, duke shmangur tatimin. Barna në vlerë rreth 1,500 euro janë sekuestruar.

Rap-artisti i njohur shqiptar, Capital T po përgatit këngën e tij më të re. Përmes një video në rrjetin e tij social Instagram, Capital T ka paralajmëruar këngën e tij e cila titullohet “THE GREATEST”. Kjo këngë pritet të lansohet gjatë javës, duke mos bërë të ditur datën e saktë. “N’ket kollaps industrial dikush duhet me fol”, ka shkruar reperi në postim.      

Ministria e Infrastrukturës ka bërë të ditur përmes një komunikate për media se rruga rajonale R-115, konkretisht segmenti Prizren-Prevallë, do të jetë e mbyllur me rastin e asfaltimit të saj. Mbyllja do të përfshijë lokacionin nga dalja e Prizrenit, lagjja Marashi, deri tek tunel i parë i rrugës për Llokvicë. Mbyllja e rrugës për qarkullimin e automjeteve do të bëhet nga 23-25 shtator 2024, në intervalin kohor nga ora 9.00 deri në 17.00.