Një aksident i rëndë trafiku ka ndodhur sot në autostradën “Ibrahim Rugova”, në drejtimin Suharekë-Prizren.
Lajmin për Insajderin e ka konfirmuar zëdhënësi i policisë, Bajram Krasniqi.
Krasniqi ka bërë të ditur se ak’sidenti ka ndodhur rreth orës 08:10 dhe janë përfshir tri automjete. Si pasojë e përplasjes, tre persona kanë pësuar lëndime dhe kanë kërkuar ndihmë mjekësore.
“Rreth orës 08:10, policia është njoftuar për një aksident trafiku të ndodhur në autostradë drejtimi Suharekë-Prizren. Në ak’sident janë përfshirë tri automjete. Si pasojë e aksidentit tre persona kanë kërkuar ndihmë mjekësore. Njësia policore e autostradës është marrë me rastin”, tha Krasniqi.
Nga pamjet e publikuara, shihet se aksidenti ka ndodhur mes tri veturave, përfshirë një automjet të KFOR-it.
