Thonjtë e fortë e të shëndetshëm janë tregues të shëndetit të mirë, por nuk kanë të pakta rastet kur ato dëmtohen.
Burimi i thonjve të brishtë që thyhen dhe marrin forma e ngjyra të çuditshme mund të jenë disa zakone të përditshme.
Lexoni më shumë në këtë artikull për të kuptuar disa nga shkaqet e vërteta anësore të dëmtimit të thonjve tuaj.
Përdorimi i manikyrit
Megjithëse mund të duhet një proces i padëmshëm lënia e manikyrit për një kohë të gjatë në thonj mund t’i dëmtojë ata.
Kjo për shkak se nuk marrin ajër dhe janë gjatë gjithë kohës nën kontakt me kimikatet e manikyrit.
Nëse shikoni që po marrin ngjyrë të verdhë e ju thyhen shpejt, hiqni dorë për disa kohë nga rregullimi i tyre me manikyr apo materiale të ngjashme.
Moslarja
Tashmë këshilla e larjes së duarve disa herë në ditë është një rutinë thuajse e detyruar.
Megjithatë shpesh njerëzit nuk i lajnë në mënyrën e duhur, duke përjashtuar thonjtë nga ky proces.
Është e rëndësishme të fërkoni dhe lani mirë edhe thonjtë kur lani duart në mënyrë që të largoni të gjithë bakteret që mund të jenë mbledhur nën to.
Keqtrajtimi
I keni parasysh të gjitha momentet kur keni përdorur thonjtë për te hapur një kanaçe, për të kapur sende të forta apo procese të tilla të ngjashme?!
Të gjitha së bashku dëmtojnë dhe dobësojnë thellësisht thonjtë tuaj, ndaj ju këshillojmë të ndaloni.
Larja e enëve
Padyshim që është një proces i domosdoshëm, por teksa lani enët kujdesuni që të mbroni edhe thonjtë.
Kimikatet e ilaçit të enëve dhe qëndrimi i gjatë në ujë do t’i bëjë më të brishtë dhe të dëmtuar ata.
Ndaj para se të nisni këtë proces vendosni gjithnjë një palë doreza llastiku.
Pastrimi pa doreza
Sërish ekspertët e vënë theksin tek dorezat sidomos kur bëhet fjalë për kontaktin e duarve drejtpërdrejtë me kimikatet.
Ato jo vetëm jo dëmtojnë thonjtë, por edhe lëkurën rreth tyre, kështu sa herë që të pastroni shtëpinë përdorni doreza.
I ftohti në dimër
I ftohti i acartë dhe ajri i thatë ka tendencën t’i dobësojë thonjtë tuaj, ndaj mbajini sa më të hidratuara dhe të mbrojtura me doreza leshi.
Më shumë perime
E sigurisht në këtë listë nuk mund të linim pa përmendur vitaminat.
Nëse keni mungesa në trup, thonjtë janë të parët që dëmtohen e bëhet të brishtë.
Ndaj kujdesuni të konsumoni sa më shumë fruta dhe perime në mënyrë që të qëndroni të hidratuar e të shëndetshëm./AgroWeb.org