Gjatë një bisede në oborrin e Big Brother VIP Kosova, Xheneta ka ndarë me Sarën disa informacione befasuese që kishte marrë pas eliminimit të Gjestit, një prej banorëve të Big Brother VIP Albania.
Ajo tregoi se pas largimit të Gjestit, Olta dhe Milaimi i kishin thënë se ai kishte rifilluar lidhjen me ish-të dashurën e tij jashtë shtëpisë.
Xheneta, e cila pati një lidhje me Gjestin gjatë qëndrimit të tij në Big Brother VIP Kosova, ka theksuar se kishte marrë komente negative nga Rezi, Olta dhe Milaimi. Ata i kishin thënë se Gjesti ishte rikthyer me ish-partneren e tij, çka e kishte shqetësuar dhe e kishte bërë të ndihej pasigurt.
“Edhe Rezi, edhe Olta, ma kanë lëshuar një fjalë negative. Nuk e di nëse e kanë bërë për të më provokuar, por më thanë që Gjesti ka vazhduar me ish-të dashurën e tij,” tha Xheneta, duke shprehur dyshimet nëse këto informacione ishin të vërteta.
Ajo gjithashtu kujtoi një moment, pasi Gjesti kishte lënë shtëpinë, ku Xheneta kishte pirë alkool dhe kishte shprehur dëshirën për ta përqafuar, duke ndjerë më vonë keqardhje për fjalët e thëna. “Kam bërë një gabim dhe tani ndihem fajtore për ato që thashë,” përfundoi Xheneta, duke u ndjerë e mërzitur për sjelljen e saj.
Ky moment ka shkaktuar reagime të shumta mes fansave, pasi Xheneta vazhdonte të dërgonte mesazhe për Gjestin ndërkohë që ai ishte ende në Big Brother VIP Albania, duke krijuar një situatë të tensionuar dhe intriguese për të gjithë ata që po ndjekin këtë edicion të shfaqjes.
