Aeroplani i Presidentit të Shteteve të Bashkuara, Donald Trump, ka ateruar në Riad, në ndalesën e parë të udhëtimit të tij diplomatik në tre vende të Gjirit.
Vendimi i Trump për ta nisur sërish nga Arabia Saudite vizitën e tij të parë ndërkombëtare, njëjtë si në vitin 2017 kur ishte president, po shihet si një sinjal i fortë për rëndësinë që i jep këtij rajoni.
Korrespondenti i Al Jazeera-s, Hashem Ahelbarra, thekson se ky hap përfaqëson një njohje të rëndësishme të ndikimit diplomatik të Mbretërisë Saudite.
Gjatë qëndrimit në Riad, Trump pritet të takohet fillimisht me Princin e Kurorës, Mohammed bin Salman. Më pas, ai do të marrë pjesë në një samit biznesi si dhe në takime të nivelit të lartë me liderë të tjerë të Gjirit.
Pas Arabisë Saudite, Trump do të udhëtojë drejt Katarit dhe Emirateve të Bashkuara Arabe, në një vizitë që po ndjeket me interes si në aspektin diplomatik, ashtu edhe në atë politik, për shkak të rikthimit të tij në qendër të zhvillimeve ndërkombëtare.
