Një avion i vogël me tre njerëz në bord është ulur me sukses në një pistë aeroporti në Australi pasi qarkulloi për tre orë në ajër për të djegur karburantin që kishte me vete dhe më pas u ul pa rrota, vetëm duke u zvarritur në pistën e aeroportit.
Piloti Peter Schott dhe pasagjerët e tij, një burrë 60-vjeçar e një grua 65-vjeçare, dolën të gjithë të nga avioni me dy motorë tip Beechcraft Super King, që u ul në pistën e aeroportit të Newcastle në veri të Sydney, tha policia.
Schott tha se kishte ndjekur me përpikmëri udhëzimet e uljes së emergjencës “pa rrota” dhe tha se ishte i lumtur që kishte funksionuar.
Piloti 53 vjeçar tha se fluturonte prej dekadash por nuk ishte ulur asnjëherë me rrotat e bllokuar në ‘barkun’ e mjetit.
“Nuk na eci fare sot, moti i keq, shi dhe më pas një tufë prej 20 pelikanësh në ajër që duhet të shmangnim”, tha ai për rrjetin vendas Nine News.
