Bahri Ahmeti, vëllai i 7-vjeçarit, Leutrim Ahmeti, i cili u vra nga forcat serbe gjatë luftës së fundit në Kosovë, e ka falënderuar Arian Agushin për këngën kushtuar vëllait të tij.
Ahmeti, tha se Agushi para disa vjetësh kishte shkuar te shtëpia e tij dhe e kishte takuar nënën e Leutrimit 7-vjeçar.
“E falënderoj Arianin për interesimin e tij, Ariani e ka pa në mjetet e internetit intervistën me Nusret Pllanës. Ai ka thirrë dhe ka thënë dua ta kontaktoj nënën e Leutrimit. Ka ardhë në shtëpinë time, është taku. Me vullnetin dhe dëshirën e ka shprehë dëshirën, vonë e kam kuptu që është duke punu me një këngë.
As edhe me një cent nuk ia kam dhënë atij. Fjalët në këngë janë të vërteta, unë kam rrëfyer për ngjarjen, sepse ka qenë në shtëpinë tonë, e ka ditë”, tha ai.
